Trio Ir Shalem, Jerusalem

 

Yuri Gluhovsky, Alexander Sinelnikov, Gabriela Talroze.

 

Tónleikararnir í hesi trioini vóru allir sera væl kendir í sínum heimlondum, áðrenn teir fluttu til Ísrael. Afturat at spæla í trio virka teir allir sum solistar bæði í Ísrael og aðrastaðni. Trioin var stovnað í 1993 og hevur síðan tá regluliga havt konsertir í Ísrael og í øðrum londum. Repertoirið er stórt frá Haydn, Mozart, Rachmaninov, Ravel, Tchaikovsky, Shostakovich til nútímans ísraelskan tónleik. Í 2004 fekk trioin prísin “Benyamini” og apríl 2004 hevði hon konsert í París.

 

Limirnir í trio Is Shalem

Yuri Gluhovsky er føddur og uppvaksin í Ukraine. Hann hevur útbúgving frá musikkonservatoriinum í Gorki og varð aftaná lokna útbúgving lærari sama stað. Hann hevur spælt sum solistur við fleiri orkestrum. Hann vann sum solistur eina nationala tónleikarakapping í Ruslandi í 1989 og í 1990 sum fyrsti violinistur í einari strúkikvartet. Hann kom til Ísrael í 1991 og hevur síðan framført sum solistur og sum kamartónleikari í Ísrael og aðrastaðni. Síðan 2004 hevur hann verið konsertmeistari í Jerusalem Symfoniorkestrinum.

 

Alexander Sinelnikov hevur eina PhD-grad í framførslu á sello frá Rimsky-Korsakov Muskkonservatoriinum í St. Petersburg. Hann var eisini lærari sama stað og limur í Philharmoniska Orkestrinum í St. Petersburg. Hann kom til Ísrael í 1990, varð limur í kamarorkestrinum “Solanei ha Galil” (Galelei Solistarnir) og nøkur ár seinni í Ísraelska Camerata Orkestrinum í Jerusalem sum ein av 1. cellospælarunum. Hann hevur ferðast um alt Ísrael bæði sum orkesturleikari og sum solistur.

 

Gabriela Talroze – fekk prógv frá Rimsky-Korsakov Akademiinum í tónleiki í St. Petersburg. Aftaná próvtøkuna varð hon læarari sama stað. Áðrenn hon immigreraði til Ísrael í 1990, hevði Gabriela framført við Filharmoniska Orkestrinum í St. Petersborg. Í Ísrael hevur hon spælt saman við Jerusalem Symfoniorkestrinum og í ymiskum kamarorkestrum. Gabriela gevur frálæru í klaver og kamartónleiki á Musikkonservatoriinum í Jerusalem.

 

 

Konsertirnar verða hesar

Sunnudagin 10. januar kl. 16 í Klingruni í Norðurlandahúsinum

Týsdagin 12. janur kl. 19 konsert í Mentunnarhúsinum í Fuglafirði

 

Skúlakonsertir:

Mánadagin 11. januar í Kommunuskúlanum í Havn

Týsdagin 12. januar á skúlanum á Ziskatrøð í Klaksvík

 

 

Skrá til konsertina í Norðurlandahúsinum sunnudagin

 

 W.A.Mozart - Trio in C-major  K.V.548

 

       Allegro - Andante cantabile - Allegro

   

 

 

 

 Sergei Rachmaninoff-Elegiac Trio n.1 in g-minor (0ne movement)

 

 

Peter Brainer-Jazz Trio "To Dear Mr.Bach on His Birthday"

       Preludio - Loure - Gavotte - Menuet - Bouree

 

Johannes Brahms-Trio No.3 op.101 in c-minor

       Allegro energico - Presto non assai - Andante gracioso - Allegro molto

 

Harafturat aðrar skráir til aðrar konsertir, sum Trio Ir Shalam fer at hava